БАЛАНЫҢ ДҰРЫС ТАМАҚТАНУЫ: КЕҢЕС

1. Күнделікті тамақтану тәртібі  

– Бала күніне 4–5 рет тамақтануы қажет: таңғы ас, түскі ас, бесіндік ас, кешкі ас.  

– Әрбір ас уақытылы әрі бірдей мөлшерде болуы тиіс.

2. Тағамның құнарлылығы мен әртүрлілігі  

– Ас мәзірінде міндетті түрде ет, балық, сүт, дәнді дақылдар, көкөніс, жеміс-жидек болсын.  

– Фастфуд, газдалған сусындар, чипсы, тәттілерді шектеу керек.

3. Суды жеткілікті мөлшерде ішу  

– Балалар күніне 1–1,5 литр таза су ішуі тиіс.

4. Витаминдер мен микроэлементтер  

– С дәрумені (лимон, апельсин), кальций (айран, сүзбе), темір (бауыр, алма) — баланың өсуіне қажет.

5. Тәртіп пен мәдениет  

– Балаға ас алдында қол жуу, тыныш отыру, асықпай шайнау сияқты тамақ ішу мәдениетін үйрету керек.

 ҚОРЫТЫНДЫ:

Дұрыс тамақтану — баланың денсаулығының, иммунитетінің және ақыл-ойының дамуына негіз болады. Баланың тамақ рационы әрқашан теңгерімді, таза әрі уақытылы болуы шарт.

Құрметті ата-аналар! 
 Бала тәрбиесі - ата-ана үшін күрделі де жауапты міндет. Жас шыбық иілгіш болса, жас адамда сондай жақсыға да, жаманға да бірдей бейім болатыны баршамызға мәлім. Сізге ұсынылып отырған  Ата-аналарға арналған бала тәрбиесіне қажетті 14 кеңес.
 Қазақта «Баланың бас ұстазы - ата-анасы» деген сөз бар. Жас кезінде дұрыс тәрбие алмаса есейе келе тәртібі қиындап, оқу үлгерімі нашарлап кетеді. Мұндай жағдайларда «не істеу керек» деген ой туады. Әрине, ата-аналар балаларының оқу - үлгеріміне күнделікті назар аударып, оны қадағалап отыруы қажет. Тәрбие ешқандай үзіліс, демалыс күндер дегенді білмейді.
 «Ұлды тәрбиелеп отырып, жер иесін тәрбиелейміз, қызды тәрбиелей отырып, ұлтты тәрбиелейміз» деп тұжырымдаған.
 Ата-аналарға арналған бала тәрбиесіне қажетті 14 кеңес
 1. Баланың міндетті түрде өздігінен орындайтын жұмыстары болуы қажет. Сіз тек осы жұмыстардың орындалуын қадағалауыңыз керек.
 2. Мейлі қаншалықты тиянақты әрі жылдам орындасаңызда, балаға жүктелген жұмыстарды өзіңіз орындауға тырыспаңыз.
 3. Балаңызды тыңдауды үйреніңіз.Шыдамды болыңыз, балаңыздың сөзін бөліп, оның ойын өзіңіз аяқтауға тырыспаңыз және баланы асықтырмаңыз.
 4. Балаңызға өз көзқарасыңызды тықпаламаңыз. Өзіңіздің нұсқаңыздың дұрыс екенін дәлелдермен түсіндіріңіз.
 5. Баланың кез-келген қалауын орындауға асықпаңыз.
 6. Балаға өзінің іс әрекетін түсіндіруді үйретіңіз. Яғни бала ең алдымен ойланып содан соң ғана шешім қабылдауды үйрену керек. Ең жақсысы өзі сенімсіздік танытқан мәселелерде ата-анасымен кеңесуге болатынын білуі қажет.
 бала тәрбиесі, бала, ата аналарға кеңестер, пайдалы кеңестер, ата аналарға кеңес
 7. Баланы қоршаған әлемді танып білуге дағдылаңыз.
 8. Баланың жан-жақты дамуына қолайлы қауіпсіз жағдай жасаңыз.
 9. Баланы тым еркелетпеңіз. Онымен өзіңізбен тең дәрежедегі адам ретінде сөйлесіңіз. Есіңізде болсын сіздің сөйлеген сөзіңізді, іс әрекетіңізді балаңыз қайталайды.
 10. Балаға өз бетінше жеке басының тазалығын қадағалауды және де әр түрлі жағдайларда өзін қалай ұстау керектігін түсіндіріңіз.
 11. Жақсы іс әрекеті үшін сөзбен немесе сыйлықпен мадақтап көтермелеңіз.
 12. Бала кішкентайынан бастап ата-анасын, үлкендерді, жақындарын сыйлау керектігін білу тиіс.
 13. Ешқашанда баланың икемсіздігін күлкіге айналдырып және де қорқыныштарына күлмеңіз. Қайта керсінше баланың қорқыныштарын бірге шешіп сенімді қарым-қатынас орнатыңыз.
 14. Қаншалықты уақытыңыз аз болсада балаңыздың жан-жақты дамуына көңіл бөліңіз. Есіңізде болсын балаңыз сіздің ең басты байлығыңыз.